David Simon

David Judah Simon, nado o 9 de febreiro de 1960, é un escritor, xornalista, guionista e produtor estadounidense de series de televisión. Traballou coma xornalista durante vinte anos para o xornal ''The Baltimore Sun''.

É o creador da serie da HBO, ''The Wire'', na que participou como produtor executivo e guionista durante as cinco tempadas. Foi un dos encargados de adaptar o libro de non ficción ''Generation Kill'', de Evan Wright, nunha miniserie que se estreou en 2008 tamén na HBO.

Xunto con Eric Overmyer, é o creador da serie ''Treme'', que en decembro de 2013 rematou coa súa cuarta tempada. Posteriormente escribiu, xunto co xornalista William F. Zorzi, a miniserie ''Show Me a Hero'', tamén para a HBO. Provided by Wikipedia